Πουλόπο μ’ αγγελόπλαστον, γράφει ο Μωυσιάδης Παναγιώτης - OlaDeka

Πουλόπο μ’ αγγελόπλαστον, γράφει ο Μωυσιάδης Παναγιώτης

romania

Χωρίς τίτλο

Πουλόπο μ’, αγγελόπλαστον,
κοδεσποινιακόν’ ι,
το καρδόπο σ’ αναλλαγάδ’
και το ψόπο σ’ χρυσόν ι.

Ατός, π’ εποίκε ‘σε άγγελον,
άνθρωπος για Θεός ι,
εσέν, πη έχ’, τιδέν ‘κι θέλ’
νε βρώσιν και νε πόσιν..

Αν είχες, πούλοπο μ’, φτερά,
θα έσνε αγγελικόπον,
αν είχες μαχαιρί γουτνίν,
θ’ επέρνες και το ψόπο μ’

Αφτέρωτον, πουλόπο μου,
‘ς ση παραδείσ’, αν πάς ι,
εκές κ’ εμέν σοϊλάτεψον,
ας εξέρω, ντ’ εφτάς ι

Ας σην πορπάτιαν πέρδικα
κι ας σα φτερά σορσότα
κι εγώ τ’ ομούτια ‘κ’ έκοψα,
διακλώσκουμαι ‘ς σην πόρτα σ’.

Άγρεον κι ανημέρωτον
‘ς ση σέβνταν ‘κι κομπούται,
Θεέ μ’, δός ατό φώτισην,
‘ς σ’ εμέν να παλαλούται..

Πουλόπο μ’, αγγελόψυχον,
έλα, κάθ’κα ‘ς σο γιάν’ ι μ’,
εσύ μαθίεις την χαράν,
κ’ εν εγώ τη σεβντάν ι.

Το χατίρι μ’ ‘κ’ εχάλασες,
κι ας σην οδό μ’ ’κ’ εξέβες,
εσύ, τη Θεού το πουλίν,
τ’ αγγέλ’τς επαρεδέβες..

Πηγή

Κοινοποίηση
recurring
Σας αρέσει το OlaDeka?
Κάντε μας like στο Facebook!
Κλείσιμο
Ola Deka Kastoria